bb出世前夕

製作經年的節目光影流情即將出街，再賣一次廣告，星期一2300-2330，睇完向世界出發之後，再睇埋我呢個節目至好去沖涼喎！

記得一年前上司跟我提及這個節目，因為前期預備一定會好辛苦，大家推都推唔切，但係我就喜歡到不得了，舉手報名話要做！點知一波不止三折，原本上年五月出街，但是其他部門覺得呢個節目唔吸引，一推就推到六月尾，再推到九月，斷斷續續一年前預備的東西，半年前拍下的片段，以為都白費功夫一場，突然因為公司再沒有新節目，就免為其難地落呵打話終於出街！

人手由二人剩下我一人，節目又即將出街，緊張到不得了，半年前拍下的存貨，因為時移勢易，部份要重拍，入到剪接室，都唔記得半年前為什麼要如此剪輯…預備好的材料，亦已經忘記了到底是什麼素材…其實一切重新開始過！

然後，手上存貨不夠，節目每個星期都要出街，又要忙預備趕火車，追拍出街日期…最近一星期開始，一個人兩隻手真的忙不過來，唯有每天八時回到公司，做到七點放工，回到家繼續做…

辛苦做出來的東西，上司abcd各有意見，就是沒有人理會我當初的想法。最後大老細一睇，一句說話又要將一切變回原形…那一天，我火起，面口黑到連上司都要向我講好說話…

星期一節目終於出第一集，那種心情真的是很緊張，同一天，三線新劇集加向世界出發同時出第一集，廣告宣傳當然唔輪到我的節目…最後光影流情會成為不起眼，沒有人注意的節目…？做了電視五年半，第一次有這種患得患失的感覺…對上一次，是我的大學畢業作品，畢展時在學校大禮堂播出，記得當晚還感動得哭了出來…

又要開工，唔講…大家記得捧場！