半夜三點幾被天予吵醒，結果再睡不了…上網睇睇新聞，嘩，阿sa原來真係已經結了婚，大新聞呀！
依然未有睡意，就網上睇樓啦…一年多前看過的單位，當時賣120萬，而家160萬…這一年間到底發生甚麼事，會有東西放著不動就升值40萬？
數字會令人變得麻木，現在二百多萬買一個二手兩房單位好似理所當然咁，不過大家諗清楚先，一年前叫你買一個二百多萬三房單位，你依然覺得好肉赤，一年過後，大家為何覺得二百多萬兩房很合理？
同一筆錢，一年間為何貶值得如斯下場？最要命是大家依然覺得不要執輸，襯而家仲有能力就快快買返層樓，如果唔係第二時想買都冇得買！
同一心態，是1996-1997年出現過，人人樂意高價接貨，然後迎接失業潮…跳樓賣身傾家蕩產的故事，相信大家都聽不少，為何現在大家又忘得一乾二淨？
政府推出居屋賣剩貨，市價七成好似抵食夾大件…但我覺得政府只是見個市好，同地產商一樣齊齊分餅仔，而家超高價的七成，可能依然貴過一年前的同屋苑二手價！如果大家不是急著買樓，真的不要在高位接賣剩的貨啦！
我不想在報紙破產廣告中，見到你的名字！
天予：前兩日我爹哋放假，終於肯帶我出街嘞！先去錦田街市買餸餸！
天予：呢一檔嘅白色魚蛋同炸魚片非常好味，要早少少嚟買，如果唔係好快就清倉！
天予：等我再睇吓有咩好嘢先！
天予：好多魚喎，呢檔嘅鯪魚肉好彈口，誠意推薦！
魚販：呢個bb好精叻喎，買啲魚食吓啦！
天予：見你哋咁好口，爹哋，幫我睇睇買咩嘢魚好！
錦田人：呢啲咩太陽魚，阿靚姐話好好肉，拆骨後好啱天予bb食！
天予：咁就要三條啦！
天予：之後爹哋帶我去塊田睇吓…之前全部嘢起晒，而家得幾棵草！
天予：呢啲係…好似係冬瓜！不過因為陳伯唔喺度，冇得叫爹哋求證！
錦田人：天予，呢啲叫粟米！
天予：阿媽成日叫你食室米，係咪即係呢啲…
錦田人：咪咁多事…
天予：呢啲係木瓜芽，當然冇咁快有收成啦！
天予：呢啲係媽咪成日食的辣椒，唔知幾時有得收？？？辣辣奶汁我最鍾意食！
錦田人：太多蚊，落返個蚊帳先…
天予：我唔要呀！
結果，天予被蚊咬到成隻腳都係…冇陰公…
