最低工資

一開始時，我對最低工資有保留！因為當我們不信任市場會調節一切的話，就會鐘擺至由政府控制一切。

但要多謝張宇人，他的廿蚊工時論，令我突然感到定立最低工資的重要性！

慢慢細想，其實最低工資是保障一班低技能的基層人士，一班唔想攞綜援，想自力更生的洗碗阿嬸、掃地阿伯，他們沒學識、沒議價條件，馬上就成為無良僱主的魚肉。這班人肯定努力過我、沒怨言過我、為工作日出晚歸過我、為家庭仆心仆命過我…但為何老闆一句共度時艱，就永遠冇人工加？

tvb咁多大學生，好多都三四年冇人工加過嘅時候，茶餐廳、清潔公司的僱主又會有良心得去邊？難道掃地的會自命人工唔值咁低，而辭工再去搵過？

最低工資會傷害老闆利潤嗎？會的話亦只會傷害無良僱主的利潤，因為佢哋想賺盡一分一毫！會傷害社會的利益嗎？會，但只會傷害冇良心的消費者利益，因為羊毛出在羊身上，你唔想食碗雲吞麵畀多一蚊個工人，所以就反對最低工資。

希望受過高等教育的大家，不要只站在做生意的角度去看事物，因為當一切只剩下錢時，生活就失去公義。