昨天我放假，amanda在家寫稿，終於有少少家庭樂嘞！
就嚟復活節，amanda買了復活蛋畀天予，我從未買過復活蛋，原來都幾貴吓！
可惜天予bb對復活蛋興趣不大，最大興趣是…
天予：媽咪，你要陪我玩至得架…
玩完就開餐，下午茶食士多啤梨！
晚上amanda約了一班同事，即是我的舊同事啦，齊齊到沙田河畔花園食乳豬宴…
乳豬內釀炒飯，幾好食…不過因為唔係傳統燒乳豬方法，皮就唔夠化…聽說屯門店好食啲，搵日去試吓！
天予每次同大家見面，必然會同大家玩抱抱遊戲，到底今次傳到邊個手上至開始喊？
天予的樣子雖然唔太似我，但啲神態都同我有兩分似，我哋都咁鍾意繞腳…
連睡姿都有兩分似架！
沒有留言:
張貼留言