有收成

前排忙到不得了，都沒有時間到田看農作物，星期五收到田主陳先生來電，說已經有收成，既然係咁，我星期六一朝就去睇睇

這一塊是生菜，兩個星期後會有收成！

這是日本種皇帝菜，開始出苗嘞！

蕃茄青青綠綠的…

但偶爾都有一兩個食得！

紅蘿蔔差不多了吧…

後方的油蜜菜下星期有收成，前面的白菜，就係今個星期的收成物！

因為我要求唔落農藥，所以葉被蟲咬，一個個洞！

先連根拔起

再切去根部！

好嘞，兩大袋收成，回家去！

天予扮靚靚出街

每晚我們都會帶天予出外散步，讓她多見見人，當然見樹見狗的機會比見人多啦，始終都係鄉下地方嘛！

天予：又有得出街街…好嘢！

amanda：天氣開始轉涼，著多對襪仔好啲…

天予：靚唔靚先！？

天予：好似大左些少喎…

amanda：靚咪得囉，出街嘞！

無牙天予

amanda總是說要好好珍惜現在跟天予相處的日子，因為沒有牙的天予，就只得這幾個月，與及老到掉晒牙的幾年…

amanda：畀排牙肉嚟睇吓吖…

天予：咁肉酸，唔制！

amanda：等我唧你，睇你露唔露啲牙肉嚟畀我睇…

天予：媽咪你咁陰毒！！！！

天予：救命呀，媽咪你話點就點啦！

amanda：咁就乖嘞！

amanda：睇吓你啲牙肉先！

amanda：嘻嘻，好得意…

天予：(露出奸樣)我遲啲出牙仔，一定要咬你報今次之仇！

病人一身痛

最近一星期，身體都不是很舒服，內臟抽住抽住痛，頭又痛，連關節都痛…

上星期忙到不得了，還可以把痛的感覺壓下來，始終要先完成手頭上的工作嘛！到今個星期，那些痛症就逐一浮現了…

很久沒試過這種感覺~想死…

天予媽媽正式隆重登場

天予媽媽曾經…

餵過天予飲水！

曾經同天予去睇木瓜！

同天予返過母校！

同天予慶祝過生日！

不過天予媽媽依然覺得自己出鏡率太低，覺得女主角寶座竟然畀咗天予，很不是味兒！所以我正式讓天予媽媽amanda隆重登場！(掌聲)

amanda：(威風)冇錯，我就係女主角！

天予：(得戚)冇錯，媽咪係女主角，而我就係主角！

amanda：咁爹哋呢？

天予：(奸笑)咪就係一個作者囉！廢話咪講，爹哋快啲講故事畀我聽！

錦田人：遵命…話說自從錦田人同天予按摩過一次咁大把之後，天予媽媽amanda亦替天予按摩，先按個眉！

amanda：係咪好舒服呢…

天予：輕力啲，我啲眼眉毛畀你捽甩晒！

amanda：咁就按摩面仔啦！

天予：你似蚊我塊靚白軟不留手面多啲喎…好痛！

amanda：乜你咁多唔滿意架，唔搞你塊面，按摩你個身啦！

天予：好彩你隻手又厚又大，遮得晒我兩點重要部位，冇走光！

amanda：怕走光啫，坐起身背住鏡頭，實冇走光…

天予：但係…

天予：我條腰嗰幾節肉走晒光呢…

amanda：又係喎！

天予：爹哋，我要投訴，點解揀啲咁嘅相登出嚟？！

錦田人：你只係主角，我至係作者，收聲！

天予五個月生日

天予五個月生日，來一張全家福大合照！

錦田人：天予，望鏡頭啦！

天予：呢一個咪就係成日晨咁早出門口，夜到我瞓覺都未返嘅爸爸？！嘻嘻，你哋識唔識佢？等我同大家介紹吓啦！

錦田人：唔使你介紹，呢個場係我架！

天予：首先睇睇啲頭髮，我爹哋啲頭髮開始有啲白之餘，髮線仲有向上嘅趨勢！

錦田人：額高至係福相！

天予：再睇吓個眼袋，大到冇人有，係成日掛住返工唔瞓覺嘅後遺症！

錦田人：都係為咗你！

天予：至於爹哋個鼻，好多黑頭，等我幫你唧！

錦田人：你咪偷襲爹哋喎…

天予：下巴嘅鬚有啲拮手，而且好難睇！

錦田人：呢個係man嘅象徵，係見到你時至有鬚，平時返工冇架！

天予：咁畀面我，咁就一齊笑住影張靚相啦！

amanda：我笑咗好耐，終於一家三口一齊望相機…

 

扮靚靚返澳門

要返澳門見大家，天予當然要扮到最靚啦！

天予：呢條牛仔褲靚唔靚？

錦田人：好似太大條，未啱著喎…

天予：咁呢條至紫嘅米奇老鼠褲仔呢？

錦田人：唔係唔好睇，有啲娘囉…

天予：好啦，一於著呢條裙仔啦，爹哋，你咪再出聲呀！

錦田人：都到咗澳門飲茶囉，仲有得反對咩？

天予：表姨，我呢條裙靚唔靚？

表姨：咪叫到我咁老好唔好？

天予：咁靚靚表姨，我條裙仔靚唔靚啫？

表姨：你都係想我讚你條裙靚啫…

天予：咁就乖嘞！

公公：太婆你抱吓天予啦！

太婆：我怕佢一入我手就喊喎…

公公：畀啲麵包佢食，分散佢注意力，應該ok嘅！

太婆：(一於試吓)天予你過嚟我度，畀啲麵包你，咸咸哋，好好味架…

天予：都未試過，又好似幾好味喎…

太婆：成功咗，嘻嘻！

太婆：慘嘞，天予掛住食，都唔理吓我…

amanda：食完麵包，飲返啖水啦！

天予：都係媽咪細心！