第二套劇是衛斯理，班底依舊，還加入兩位資深同事。演員有羅嘉良演衛斯理、蒙嘉慧演白素…
全套劇乏善足陳，我記得的不多…我記得我提議過白素是一個不愛說話的人…不過被組員們笑我，話不愛說話就沒有對白了…(老實講我並唔係咁嘅意思，不過我始終唔明，不愛說話就不能做女主角？)
至於我的表現，就由自大走向自悲。話說我寫劇本依然求其，希望用最短時間寫完手上的稿，輝哥三番四次提醒我，不過我超低能以為佢借我過穚，指桑罵槐話其他人…結果我從沒認真看待過我的工作…
直至一天，我們追火車(趕交稿配合拍攝)，公司多找一位編審來改稿，她是湯健萍小姐，一位非常好人的前輩。有一天，不得了，她急call我，叫我去搵佢，她逐場逐場同我講有什麼問題，應該點寫至叫好…
那時候我才知道自己其實冇料到，自信心亦由山頂跌落深谷…那一天，我回到開會房，我實在無地自容。
之後，我當然加把勁寫，我記得之後一次寫稿我用足十成功力、十成時間，我推掉part time的工作(其實當時我已經供咗幾個月樓，part time賺錢好重要)，專心寫我的劇本。結果，那時候寫稿只寫集數，沒有寫編劇名，阿湯改完後，輝哥當眾問邊個寫第十一集，我舉手啦，輝哥話阿湯冇改過我份稿，寫得太好完全唔使改喎！當時全場嘩然，大家都來恭喜我，用心寫，原來真的會有好東西出來。
高興完，當日下班，輝哥走過來低聲同我講：其實我覺得唔多好，我會再改過…
當時我有點莫名其妙，到底係我真係寫得好？抑或是輝哥已經對我失去耐性唔再給我機會？這永遠不會有答案，
當時炒風正盛，衛斯理一劇尚未結束，輝哥私底下同我傾，他說我一係到非戲劇組另尋出路，被炒風險會低啲，不然試試不同編審，可能對我有不同評價，對我亦是好的…
當時2002年，香港經濟差到不得了，一工難求。而我正在供樓，我真的需要一份工作，我需要固定收入，我沒有退路。但是我真的喜歡做編劇，不想就此完結自己的創作生命，所以我選擇到別的組試試看。
輝哥相當大體，當眾就以另一組等人用，叫我過去試試。其實明眼人一睇就知，我只不過是一個棄將。
沒有留言:
張貼留言