搬屋呀…

我這一輩子，最憎就係搬屋，我執嘢係零IQ+零EQ，望著一堆雜物，真的不知從何入手！

數天前，趁測量師入新屋估價同時，我們順便入去度呎，這是繼上次夜媽媽買屋入去10分鐘之後，第二次入屋！

新屋三面單邊，這是後花園！

側花園其實只是一條冷巷！

前花園地方都OK，不過舊業主無心打理，弄得雜草叢生！

客廳很大，亦比我預期光猛，算不錯了！

這套舊業主不要的沙發，號稱數萬元，說送給我們！但沙發太太太太大，而且顏色太深了，所以我們不打算要！(相信他們亦不會搬走，當送了給我們了…)

這是大房，我們將會將之間成兩間細房！

這是細房，他日我們入伙之後，就會成為客房，歡迎大家來住呀！

廁所超大，廚房超細，我們應該會改動一下間隔！

即將要搬走，要同天予留倩影！

天予：等我都執埋一份…

錦田人：你唔搞破壞就偷笑了…

真正執屋之日，有勞嫲嫲代為照顧天予了！

天予：我都係第一次咁畀人揹法！

嫲嫲：你阿爸都係畀我咁揹大！

天予：關我鬼事…不過嫲嫲揹得我好舒服呀…好眼瞓呀…