農夫

叱吒頒獎禮最佳組合由農夫奪得，一眾沒有留意樂壇的朋友嘩然，話聽都未聽過。

前兩天跟朋友飯聚，大家就大叫叱吒造馬，話twins都攞唔到最佳組合，點會由未聽過的農夫得手？

我當然馬上解釋農夫歌曲的特點，亦試描述農夫到底有幾受歡迎。

此時，有人話rap咪就係粗口歌，咁都畀呢班人得奬，有冇搞錯云云…我就笑到暈！

有時候，連事情的根本都未了解清楚，是不是不要亂批評比較好？

又有朋友話，lmf專唱粗口歌…其實lmf出道至解散，唱過的粗口歌只得兩三首…即使是專唱粗口歌又如何？

將農夫與lmf比較，實在有點奇怪！lmf曲風是忿怒的發洩，與農夫完全不同。農夫比較像軟硬，用一種俏皮話式的歌詞諷刺時事。

當然，我依然比較喜歡軟硬，他們歌詞處理得比較高手，而農夫就有一點眼高手低，只是描述事情的表面而已。