父親節

父親節一早，就收到Leo的短訊，祝我父親節快樂咁話，其實他也是第一次過父親節呢！

台灣的恆青也打電話來恭喜父親節…但事情不要恭喜得太早！

這個父親節，認真難忘…或者應該說是攞命！

話說一早，我就返公司做少少嘢。回到家中，天予正在床仔上，睡得很好，很甜！

 

這一天，菲傭到，我到機場接機！菲傭阿T就帶來家鄉芒果，好好味！

相安無事，晚上外出吃完飯回家，吃過芒果，就準備睡覺嘞！天予生日一個月，先在床上來一張全家福！

天予眼光光，我都眼光光…

錦田人：瞓啦…你唔瞓我點瞓呀…

錦田人：已經好累嘞，瞓啦…

錦田人：天予你唔睡，我睡嘞…早抖！

天予：點解呢個人有得瞓？……好，我喊！

就這樣，天予足足喊足一個鐘，又要扭換尿片，又要扭食奶，再加上扭瞓覺…連阿媽在客房都被吵醒，過來問乜事天予唔肯瞓…最後，我背著兩個枕頭，擋一擋啲冷氣及光，她才有點睡意…

後來加上AMANDA餵她終結一奶，天予才肯睡…此時已經是凌晨四時了…

回頭再看天予早上睡得咁甜個樣，真是兇兆呀！

人家說父親偉大，我覺得晚晚受此折磨的媽媽，與及日日受此折磨的工人，才真偉大！