天予：4月8日是嫲嫲生日，所以我哋去食餐好嘅…有幾好？咪就係食乳豬囉！睇吓嫲嫲o晒嘴！
梓亮：啱啱食完碗飯…
梓亮：不過我都要照食呀！
嫲嫲：天予bb，睇你流晒口水咁，一齊食乳豬嘞！
天予：流口水唔代表想食…
錦田人：天予，你試吓吖，啲皮好脆架！
天予：呢排減肥，少食少食…
伯父：咁就齊齊食蛋糕啦！
全家：齊歡唱，同慶賀…生日快樂！
嫲嫲：孫仔孫女，嚟同嫲嫲影張相啦！
天予：個蛋糕好似好好食咁喎…
梓亮：乜你唔係話減肥咩？
天予：今個減肥嘅量已達標，可以再食過嘞！
梓亮：乜有得咁計嘅咩…
梓亮：唔理咁多，切咗落去先…
天予：我又要切…
天予：媽咪，點解我冇得切架…我又要切蛋糕！
amanda：精人出口，醒人出手，你想出口食定出手切？
天予：我要醒得嚟又要精…
結果天予同梓亮各分配一粒士多啤梨！
天予：真係好好食呀！
沒有留言:
張貼留言