夏天到，農作物由原來的菜類，變成瓜類！其實已經收成了幾次，但因為都落雨沒有拍照，難得前天天氣不錯，終於可以由天予帶大家參觀參觀嘞！
錦田人：有請無牌導遊，天予！
天予：歡迎大家光臨，呢一棵係半年前至種的木瓜樹，而家已經高過嫲嫲！
天予：畫面左邊的不要以為是雜草，而是我媽最愛的香茅，種咗半年至有收成，認真茅！
天予：這是九層塔，係阿媽同阿爸喺台灣嘅定情食物…
錦田人：無牌導遊，你知唔知咩叫定情？
天予：總之你同阿媽相識時，大家都好鍾意食嘅嘢囉…
天予：好嘞，又到下一個景點，就係矮過我嘅矮瓜！
嫲嫲：終於搵到啲嘢係矮過你！
天予：其實我都好快高長大架嘞！
天予：好嘞，各位黑工們，開始收割嘞！媽咪去對付矮瓜，爹哋就去收唔知咩菜！
天予：到呢個時候，係時候要推介本農場指定靚貨，就係大冬瓜…種咗三個月就咁大個嘞…
amanda：睇吓幾重先…
amanda：有成28磅…
嫲嫲：咁天予bb呢…
嫲嫲：得23磅咋…
錦田人：輸晒，天予連大冬瓜都不如…
天予：外面冬瓜一斤5蚊，呢個大冬瓜點賣都唔過100，都唔及得我咁身嬌肉貴吖！
amanda用當日收穫弄了大餐做節，焗矮瓜、九層塔炒青口、炒菜…
天予：點解唔見個冬瓜？
錦田人：逐斤賣都賣得貴過天予bb啦，爹哋點捨得食！？
沒有留言:
張貼留言