天予歲半生日

天予歲半生日，剛好我和amanda又一起放假，所以就安排一大輪活動！

首先去茶餐廳食個便宜早餐，然後去為天予報幼兒園，除了之前一早已報的錦田救世軍之外，今天再去報水邊圍的聖公會聖馬提亞堂幼兒學校，然後到同益街市附近的鄰舍輔導會幼兒園報名…

當然不會那麼快有結果啦，報完名，就開始同天予的慶祝大計！原本諗住到黃金海岸食下午茶自助餐…但不知為何，突然閃過一個念頭，又剛好有往沙田的巴士，就改變決定，到沙田中文大學外的凱悅酒店食自助下午茶嘞！

這間凱悅開業才幾年，裝修很靚很舒適！

天予亦有自己的餐具…係我同amanda不太喜歡的火車頭…不過總算細心啦！

天予：點解仲未有嘢食呀，三點幾嘞，好肚餓呀！

錦田人：有嘞、有嘞，馬上畀啲壽司你食住先！

amanda：一邊食一邊影相啦！

沙田凱悅的下午茶自助餐收大約200蚊一個人，非常豐富！不過三文魚下面的麵包唔夠脆，有點可惜！我個人覺得最好味的，是粉麵檔的魚片、魚蛋，勁好味！另外跟餐送的熱檸茶，喝得出是貴價紅茶，飲落口很純且微甜，突然覺得整個人都變優雅了…哈哈哈哈！

天予：至於我就覺得加州卷最好味，我食咗好多，成肚飯！飽！

天予飲水飲到成件衫濕晒，最後換了件士啤外套！

天予食完嘢，開始扭計…

最後媽咪最有辦法，終於安撫到天予嘅情緒…

天予：要我開心有幾咁難呀，陪我玩咪得囉…

amanda：不過我未食夠呢！天予，你太自私嘞！

五點幾，食飽飽，就出去大堂行行企企嘞…

天予：我行路…

天予：我爬上梳化…

天予：我玩小盆栽！

最後我哋入咗去中大，同新民主女神像影張相！民主萬歲！