天予三歲半秋季大旅行

11月20日，是天予三歲半生日，適逢學校秋季大旅行，可以大家一起去玩了！

amanda一早起身，只用了30分鐘就做好以下餐點，我都覺得勁！

玩嘞！

既然係三歲半生日，就買了一個蛋糕賀賀佢！

食完蛋糕不特止，仲有天予成日都想食嘅榴槤！

錦田人：我夜晚食好少嘢架咋，又蛋糕又榴槤，我頂唔順！

amanda：咁放入盒度啦！

天予：咪放晒入去，我要食架！

因為細b即將出世，我們都開始添置bb用品了！這個沖涼架，是amanda在網上發現的二手貨，非常新淨！

天予：我要示範點用，我要示範點用！

天予：bb就喺呢度沖涼洗白白！

天予：旁邊有個架可以放好多嘢，例如沐浴露啦！

天予：沖完涼，就可以反個換衫位上嚟幫bb著衫著片！

天予：毛巾同衫仔就可以放下面！

示範完畢，多謝收看！