到澳門休息期間，外母的朋友想買樓，帶埋我等小輩睇心水樓！
位置…講咗大家都唔知！我覺得是一個既靜且方便的地方啦，在一座小山之上，客廳遠望球場墳場，無阻無擋！房間，水塘及港澳碼頭景，一樣一望無際！年前新裝修，叫價130萬！我心中暗叫超值。
但是外母覺得130萬太貴，不過得550尺左右，不值此價。我又細望之下，發覺裝修手工雖不錯，但用料原來麻麻，油漆並非防霉防菌的正常貨色，萬一潮濕，都好大鍋！
如果在香港，不理裝修，光是以130萬買這一個景觀，都已經超值！但是地點轉為澳門，的確要諗一諗，樓齡大約16-17年，上一手原來只係以80多萬在年多前買入，裝修一番就升值50萬？
澳門樓近年越來越貴，多得我等香港盲毛，以一貫香港標準作價，害苦了馬交想買樓的朋友了！
一提：澳門政府為壓樓價，不再准外地人以買百多萬樓作投資移民…在我眼中，只不過是現是咩樓都百多萬，再抬高市價而己。外母話政策下而家樓價到頂，正是不夠細心分析。如果價錢合適，此時此刻，正是出手之時！可惜我冇本錢，睇人發達巴啦！
沒有留言:
張貼留言