星期日

星期一至六，日日返工，難得星期日，應該是好好休息。

但我和絕大多數香港人一樣，星期日是非常忙的，平日想做的事，都要善用這一天完成。

例如洗衫，睇書，聽歌，睇戲，陪屋企人…一星期就只有這一天，要做足以上的事，真的非常忙。

最理想的星期天，是八點多起身，洗衫，上網睇報紙聽歌…十一點再瞓一會，十二點約家人飲茶。然後租場打乒乓球或者羽毛球，做完運動洗個澡，再睡一會。六點幾起身吃個晚飯，有空的話睇場九點場。回家再睇一陣書，然後瞓覺…

如此一個星期天，從來未出現過。

通常是：八點幾起身，洗衫，上網左睇右睇，隻眼好攰時已經十二點，出去飲茶，然後行街行到晚。行到腳痛就晚餐，最後回到家就仲攰過返工。

如果可以同大陸、台灣一樣周休二日就好囉…