虛人一個

上星期四開始喉嚨痛，應該是感冒。我習慣先不看醫生，讓身體打一打仗，自然讓病情好轉…

結果，病情急轉直下。星期天，成個人唔舒服。到星期一晚，頂唔順…

星期二朝，到同事介紹的中醫師睇病，右手把脈五分鐘，左手再把脈五分鐘…又同我傾咗我的病史傾咗五分鐘(而家至發覺原來我都幾多病痛纏身。

醫生話，我年紀唔算大，仲係剛踏入壯年，點解身體會虛得咁交關…身質，已經和一個四十多歲的人無別…(我果然夠成熟男人味)

醫生話我再唔好好調理身體，一到接近四十歲就大件事，想補都冇得補！

其實同一番話已經是第二次聽。上次是另一位中醫師，佢話我五臟六府亂晒，有排調理。(果然我唔係凡人一個，亂成咁都仲未死得！)

其實剛搬到錦田時有晨早跑步習慣，但自從跑步的路徑有渠道工程(而家仲未完，都唔知做乜要咁耐)，加上雨季常下雨，最後放棄！(最重要係懶！)

都係要做多啲運動至得囉…