天予：恭喜發財

天予第一年過新年，所以家居布置得喜氣洋洋…

外父幫手買的水仙及蘭花，開得很靚！水仙香得很！

在年宵花市買了大吉風車，手工很細，不錯不錯！

這是錦田人山長水遠到荃灣入貨的瓜子…

最好味是綠茶味及玫瑰味，很香口！

天予bb當然要著靚衫！

天予：見到我咁紅噹噹，記住畀返封紅噹噹利市過我，內容最好係紅噹噹嘅紅衫魚…嘻嘻！

錦田人、AMANDA、天予祝大家萬事如意，身體健康！

初一我們先到嫲嫲家拜年，見堂哥梓亮一同騎單車！

可惜坐位有點細，天予行兩行就墮馬…

天予：救命…

梓亮：你咁大舊，我未必夠力扶你喎！

天予：咪借啲易話我肥！

之後天予改坐座位較低的車仔…但係天予已經怕怕，無心再玩了！

吃完開年飯，就趕到澳門嘞！食完晚飯，就到MGM行吓，賭場門口揮春好有氣勢！

留意看公仔手上的揮春…原來係酒店名嚟，太硬銷了！

最後天予到酒店附近海旁，在只得7度左右的晚上，天予到底看甚麼？

就係看市民燒的煙花，嘭嘭聲，天予有點驚…

天予第一年過年，唔知會收到多少利市呢？各位世叔伯，天予今年有冇靚衫著，有冇好嘢食，就睇大家出手了…嘻嘻…好期待呀！