路線是由青龍頭上山，再由深井落山。唔算太難行，但對才三歲半的天予來說，是一大考驗了！
天予乖乖肯行，一來她不知行山是何事，二來有表哥表姐同行，有得玩也！
天予：出發！
開始不久，天予就拖著表姐，感情好好咁！
表姐：我一馬當先！
天予：你等埋我啦…
剛開始上山，天予跟表姐走在大後方，三舅婆義務守住龍尾！
上到半山，見到青馬大穚及馬灣美景！
好彩行到半路，大家都等埋我們！
路過蝴蝶谷，真係好多蝴蝶，勁過蝶變！
同舅公、表姑姐等人影大合照先！
繼續向前行，已經開始攰。
錦田人：天予，你要努力呀！
天予：我唔努力，唔通你會背我下山咩…梗係要靠自己啦！
天予：不過你唔介意，我真係想你揹我落山！
結果行了3小時，上山容易落山難，在最後一段落山的樓梯位，我跟天予大落後，沒有表姐的陪伴，天予亦失去意志，加上前一天跌傷了膝蓋，所以喊痛不肯行！幸好三舅婆氹氹吓，居然又肯行囉喎…最終行完全程。難得到深井，梗係要好好食返餐！
真係行開有條癮，我又計劃同天予到屋企附近行山，行些易少少，一個鐘左右的路段，應該很好玩！大家也來一齊玩啦！
沒有留言:
張貼留言