天予bb一歲生日，已經辦過三次小型生日party！
第一次，本來邀請了好朋友十餘人一齊燒烤慶祝，但結果超級絕對大比數人士沒有空，所以連蛋糕都沒有買，跟阿趙及高進叔叔食餐泰國菜就算數！
阿趙叔叔：生日快樂呀！
天予：我唔要你呀，我要媽咪…
高進：咁扭計，咪旨意我抱你！
之後返澳門，公公婆婆當然有盛大生日盛宴啦！
天予：你哋明知我有得睇冇得食，仲放咁多好嘢食喺我面前，擺明玩我啫！
amanda：係我生你出嚟架，當係慰勞媽咪得唔得先…
天予：不過我冇得食喎…
天予：我好想食生日蛋糕呀…
可惜天予有得睇冇得食，因為趕船關係，amanda帶天予急急腳走…
天予：我要食蛋糕…嗚嗚…
amanda：頭先你便便，浪費晒啲時間呀，你搞到我都冇得食呀，仲好講！
天予：算啦，最緊要媽咪大人你食得飽飽啦，唔使理我！
生日正日，嫲嫲返工前特意帶蛋糕仔來同天予慶祝…
嫲嫲：快高長大呀，天予bb！
天予：終於有得食！
呢排amanda好少返公司，難得有一日返到公司，就匆匆約了幾位飯腳在正日晚慶祝生日，沒有被邀請的朋友們，是amanda事忙，不是故意不叫大家的呀…
大家：生日快樂呀！
天予：等我睇吓正宗生日蛋糕係點樣嘅先…
天予：都幾靚喎！
天予可以高角度欣賞蛋糕，其實全靠雪梨姨姨做瑜伽苦主有功，咁至頂得順天予"行得正企得正"！
天予：個蛋糕靚就靚，不過會唔會有得睇冇得食架！？
錦田人：有生果畀你食，生日快樂呀天予bb！
沒有留言:
張貼留言