自從amanda上班之後，星期六、日不時都要上班。而我就要負起照顧天予的重擔，的確是重擔…
又要餵奶、又要換片、又要呵呵、又要氹氹…仲攰過返工…
天予：等我笑兩笑，氹大人錫我先…
天予：肚仔餓嘞，快啲畀嘢我食…如果唔係我就食手指！問你驚未？
錦田人：我盒奶都未飲完，就要忙著準備天予的奶奶…
天予：係咁架嘞，鬼叫你係我老豆！呵呵呵呵…
天予：等開餐…
不料天予食完又扭抱，搞到我鬼咁唔得閒…
天予異常地扭計，搞到原本要在家做公司嘢的我都束手無策，幸好嫲嫲趕到，我馬上交天予畀佢嘞…
如此這般…天予就出世兩個半月了，今天晚上，天予不只懂得轉身，仲曉自己反身，而且不只一次，係連續好多次…死嘞，今次真係要打醒十二分精神嘞！
勁﹗轉身啦‥好快又爬啦﹗佢笑嘅樣好sweet﹗
回覆刪除[版主回覆08/05/2009 22:00:00]佢成日用呢個樣呃人…咪信佢！
好0力女哦！
回覆刪除甘快就識轉身！大得好快哦！ 你個湊女公都幾稱職啊！
[版主回覆08/05/2009 22:01:00]而家為咗湊女，都冇晒休息時間…慘…
真係好叻喎~ 未夠3個月就識轉身, 認真要睇住佢呀, 咁細個扒係度訓覺對佢唔係咁好架~ 妹妹都係去到六個月大先識轉身咋..........天予, 妳果然"零舍不同"~~
回覆刪除好野好野, 咁希望我見天予時佢已經識爬, 我就可以同佢玩"捉衣人", 呵呵~~~
回覆刪除