sammi演唱會

難得買到sammi演唱會飛，當然萬分期待入場啦，叫工人早點回家帶天予，我倆食完即食麵就出門口去也！

演唱會原定八點十五分，正常八點半都開場，點知等呀等，成九點至開場…幸好sammi狀態大佳，全場勁high！

最欣賞是sammi唱幾首新福音歌的一段，以意念貫穿三首歌，台型衫勁歌舞精，無得彈！

可惜我覺得sammi有點太貪心，節奏亦太急，衫換太多，rundown亦欠缺主題，致使轉場過程感覺夾硬來，總之就要乜歌都有，過份迎合所有不同類別觀眾需求。

其實看得出唱福音歌時，各項安排都是特別用心，但其他如唱舊歌環節，就有點為唱而唱，可能真的滿足大部分觀眾的願望，但就令演唱會有點支離破碎了！

看完演唱會，與好友相約食宵夜，再跟amanda乘小巴回元朗。這種感覺、這種生活，已經很久很久沒有經歷過了。沒有天予的數小時，我跟amanda終於又可以拍拍拖，慢慢逛…感覺很自由！

代價是今早起床腰酸背痛…天呀，人老了！